Presidenti i AKR-së, Behgjet Pacolli përmes mediave sociale ka reaguar edhe njëherë ndaj Akademisë Suedeze, pasi ajo ndëroi me Nobel autorin austriak, që mohoi masakrën e Srebrenicës dhe ishte përkrahës i politikave të Millosheviqit.

Pacolli ndër të tjera thekson miqësinë me shkrimtarin e njohur shqiptar Ismail Kadare, ndërsa thekson se ‘heshtja ndaj Kadaresë, bën që  çmimin Nobel ta marrin monstra sociale si Handke’, shkruan arbresh.info

Përkundër kritikave që Presidenti i AKR-së bën ndaj autorit në fjalë, ai thekson se asnjëherë nuk duhet të ngatërruar populli austriak.

Më poshtë mund të lexoni postimin e tij të plotë:

Kam marrë çmime ndërkombëtare në ndërtimtari dhe sigurisht sdo marr Nobelin në ndonjë fushë.
Mirpo kam një miqësi të mirë me shkrimtarin tonë kombëtar Ismail Kadare që ka 40 vjet a më shumë që është laureat i çmimit Nobel për letërsi.
E sot kur këtë çmim e mori shkrimtari austriak, mbrojtësi më i madh ndërkombëtar i Milosheviqit, Peter Handke, kur rrjeti gëlon nga peticionet kundër tij, pyes:
a gjykon Juria e Nobelit vetëm për kontributin letrar të një autori, apo dhe për moralitetin e tij intelektual që i bën autorët fitues edhe shembuj për brezat?
Handke, i kritikuar dhe nga vetë serbët për apologjinë e krimeve të Milosheviqit ndaj shqiptarëve, sigurisht s ‘ është model i mire.

E nëse është kështu, duhet të heshtin kritikët e profilit social të Kadaresë. Po e marrin çmimin Nobel monstra sociale si Handke. Kurse si talent botëror letrar, Kadare i ka marrë thuajse gjithë çmimet:
portreti tij madhështor rri para Jurisë së Nobelit për mbi 40 vjet.
Ndaj i inkurajoj pozitivisht ata bashkëkombas që të mbledhin firma për peticione kundër Handkes. Pa ngatrruar atë me popullin mik austriak. Dhe i ftoj që ta përdorin këtë inisiativë për të forcuar ndjenjën kombëtare, që Kadare e përfaqson aq cilësisht.

https://www.facebook.com/307617160152/posts/10162264234695153/